Nigerian news All categories All tags
Sojoji sun kama kasurgumin kwamandan kungiyar Boko Haram a sansanin'yan gudun hijira

Sojoji sun kama kasurgumin kwamandan kungiyar Boko Haram a sansanin'yan gudun hijira

Hukumar sojin Najeriya ta bayyana cewar ta kama, Maje Lawan, kwamandan kungiyar Boko Haramda ta dade tana nema ruwa a jallo.

A cewar darektan yada labarai na hukumar sojin Najeriya, Birgediya janar Texas Chukwu, Maje ne na 96 a jerin sunayen 'ya'yan kungiyar Boko Haram da hukumar ke nema ruwa a jallo. An kama shi ne a Banki dake jihar Borno.

Chukwu ya bayyana cewar an kama Maje ne bayan ya yi basaja ya sumama cikin sansanin 'yan gudun hijira.

Yanzu haka yana hannun hukumar ta soji domin amsa tambayoyi kafin mika shi ga hukumar da tafi cancanta.

Sojoji sun kama kasurgumin kwamandan kungiyar Boko Haram a sansanin'yan gudun hijira

Sojoji sun kama kasurgumin kwamandan kungiyar Boko Haram a sansanin'yan gudun hijira

Kazalika Chukwu ya bayyana yadda rundunar soji tayi nasarar kashe wasu mayakan kungiyar Boko Haram biyu a kauyen Malari bayan kaddamar da wani harin kwanaton bauna a kan 'yan ta'addar.

An samu wasu kekeunan hawa 10 tare da 'yan ta'addar.

DUBA WANNAN: Dan Asara: Matashi ya kashe mahaifinsa a masallaci yana cikin Sallah

A wani labarin mai nasaba da wannan, Chukwu ya bayyana cewar dakarun soji sun fatattaki wasu 'yan ta'adda daga maboyar su dake Gbamjimba-Akor dake karamar hukumar Guma ta jihar Benuwe.

Ya kara da cewar wasu daga cikin 'yan ta'addar su mutu, sai dai bai ambaci adadinsu ba.

An samu babbar bindiga samfurin AK-47 guda daya da alburusai da kuma Baburan hawa 5.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel