Nigerian news All categories All tags
Kashe-kashen Zamfara: Sojin saman Najeriya sun kaddamar da rundunar 'Dirar mikiya'

Kashe-kashen Zamfara: Sojin saman Najeriya sun kaddamar da rundunar 'Dirar mikiya'

Rundunar sojojin saman Najeriya watau Nigerian Air Force, NAF sun sanar da cewa yanzu haka jami'an ta da kuma jiragen yaki da dama sun fara sauka a dazukan jihar Zamfara a karkashin wata runduna da suka dabbaka mai suna 'Dirar mikiya'.

Mista Olatokunbo Adesanya dake zaman jami'an hulda da jama'a na rundunar shine ya sanar da hakan ga manema labarai a garin Abuja.

Legit.ng ta samu dai cewa rahotanni daga jihar Katsina na nuni ne da cewa tuni jiragen yaki suke ta shawagi a saman inda suke ta kawo jami'an soji da kuma kayayyakin yaki a mani mataki na cika umurnin shugaban kasa.

A wani labarin kuma, Wani rahoto da muke samu daga kafofin sadarwar zamani sun tabbatar mana da cewa jami'an 'yan sandan Najeriya a jihar Kano sun cika hannuwan su da wasu mabiya darikar kwankwasiyya a jihar.

Kamar dai yadda muka samu, yan sandan sun ce laifin da wadanda suka kama din da galibin su matasa ne shine na kona tsintsiya a bainar jama'a.

Source: Hausa.legit.ng

Tags:
Mailfire view pixel