Nigerian news All categories All tags
Batanci ga Annabi: Jami’an tsaro sun mamaye makarantar da dalibin ya yi batancin ke karatu

Batanci ga Annabi: Jami’an tsaro sun mamaye makarantar da dalibin ya yi batancin ke karatu

Rundunar jami’an sojin Najeriya, jami’an hukumar ‘yan sanda da kuma na hukumar tsaro ta farin kaya (DSS) sun mamaye makarantar horon dalibai masu karatun zama lauya dake Legas bayan rahoton batanci da wani dalibi ya yi ga annabi Muhammad ya fara yawo a dandalin sada zumunta da kafafen yada labara.

Jaridar DAILY NIGERIAN ta wallafa wani rahoto a kan wani dalibi, Madu Vitrus, da ya aika wani mummunan sako na batanci ne ga Annabin Musulunci, Annabi Muhammad, ta kafar sadarwar zamani na Whatsapp.

Yanzu haka ana kishin-kishin din wasu Musulmai masu kaushin ra’yin addini sun shirya ganin bayan wannan ‘Dalibi idan har Hukuma ba ta dauki matakin da ya dace ba.

Batanci ga Annabi: Jami’an tsaro sun mamaye makarantar da dalibin ya yi batancin ke karatu

Makarantar da dalibin ya yi batancin ke karatu

Wani ‘Dalibin Makarantar, da bai yarda a ambaci sunansa ba, ya bayyanawa Jaridar Daily Nigerian din cewa ba za su amince da irin wannan wulakanci da ake yi wa fiyayyen halitta a Musulunci ba.

DUBA WANNAN: Likafa ta cigaba: Kungiyar Izala (JIBWIS) zata gina katafariyar jami’a a jihar arewa

Kungiyar ‘Dalibai Musulmai ta Makarantar ta koyon aikin shari’a sun nemi Hukumar makarantar ta hukunta masu zagin Annabi Muhammad SAW. Wasu dai yanzu sun yi dako su na jiran su hallaka wannan ‘Dalibi da zarar sun yi ido-hudu.

Shugaban makarantar horon lauyoyin ta jihar Legas, Tijjani Nasiru, y ace ba zai iya yin Magana a kan lamarin ba lokacin da aka tuntube shi jiya da daddare.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel