Nigerian news All categories All tags
R-APC zata iya tsayar da dan takarar shugaban kasa - Buba Galadima

R-APC zata iya tsayar da dan takarar shugaban kasa - Buba Galadima

Sabuwar jam'iyyar APC wanda akafi sani da R-APC, tace a shirya take ta fitar da dan takarar shugabancin kasa a zaben 2019.

Buba Galadima, wanda shine jagoran r-APC, ne ya bayyana cewa sabuwar APc zata fitar da dan takarar shugabancin kasar ta muddin su kayi nasara a kotu game da batun sunan jam'iyyar.

A yayin da yake jawabi ga taron wasu mata a Abuja a ranar Juma'a, Galadima yace a yanzu APC ta tabarbare fiye ma da jam'iyyar PDP da ta hambarar daga mulki a shekarar 2015.

R-APC zata iya tsayar da dan takarar shugaban kasa - Buba Galadima

R-APC zata iya tsayar da dan takarar shugaban kasa - Buba Galadima

KU KARANTA: Tirkashi: DPO da wasu 'yan sanda sun lallasa Alkali da lauyoyi a kotu, duba dalili

"Idan kotu tace mu ne shugabanin jam'iyya na gaskiya, zamu fitar da dan takarar shugabancin kasar mu," inji Galadima.

"Abinda kawai muke bukata shine adalci da gaskiya da rashin bawa wasu fifiko, kuma a yanzu muna kalubalantar hanyoyin da aka bi wajen zaben 'yan kwamitin gudanarwa na jam'iyyar kuma da izinin Allah za muyi nasarar.

"An zabe mu ne saboda munyi wa mutane alkawarin cewa zamu kyautata musu fiye da jam'iyyar data gabace mu amma a madadin hakan, mun fi su barna a yanzu.

"Bamu amince duk wasu masu laifi su rika dawowa jam'iyyar mu ba har ta kai ga cewa APC ta zama jam'iyyar da wadanda ake tuhuma da laifukan rashawa ke shigowa don samun mafaka".

A baya, Legit.ng rahoto muku inda gwamna Samuel Ortom yace babu abinda zai hana shi ficewa daga jam'iyyar APC duk da ganawar da ya yi da shugaban jam'iyyar, Adams Oshiomole, a Abuja.

Ortom ya kara da cewa al'ummar jihar Benue ne zasu zaba masa jam'iyyar da zai koma saboda dama da bazarsu yake rawa.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel