Nigerian news All categories All tags
Limaman Addini za su tada zaune tsaye idan aka cigaba da kashe jama'a

Limaman Addini za su tada zaune tsaye idan aka cigaba da kashe jama'a

- Pentacostal Fellowship of Najeriya PFN sunyi barazanar daukar matakin gagarumar zanga-zanga nan da wata daya idan har gwamnatin tarayya ta gaza tsayar da kisan kiristoci a yankin tsakiya da kuma sauran yankunan Najeriya

- Mataimakin shugaban kungiyar ta PFN Bishop Simeon Okah, yayi maganganu game da kisan da akeyi a fadin kasar nan a cikin shekaru uku da suka gabata

- Okah ya bayyana cewa wadanda aka kashe a yankin tsakiyar Najeriya yawanci kiristoci ne, saboda suna kokarin ganin cewa duk wanda ke kiran Yesu a cikin addininsa an kawar dashi

Pentacostal Fellowship of Najeriya PFN sunyi barazanar daukar matakin gagarumar zanga-zanga nan da wata daya idan har gwamnatin tarayya ta gaza tsayar da kisan kiristoci a yankin tsakiya da kuma sauran yankunan Najeriya.

Mataimakin shugaban kungiyar ta PFN Bishop Simeon Okah, yayi maganganu game da kisan da akeyi a fadin kasar nan a cikin shekaru uku da suka gabata, cewa sunfi yawan wadanda aka kashe tun bullowar kungiyar ‘Yan Boko Haram.

Okah ya bayyana cewa wadanda aka kashe a yankin tsakiyar Najeriya yawanci kiristoci ne, yace saboda; “suna kokarin ganin cewa duk wanda ke kiran Yesu a cikin addininsa an kawar dashi kuma ina iya baka shiada akan hakan. Banda yankin tsakiyar Najeriya mun san ana kashe mutane a fadin kasar nan.

KU KARANTA KUMA: APC, PDP bazasu iya kai Najeriya inda take mafarkin zuwa ba – Shehu Sani

“Ana kashe mutane tun kafin shugaba Muhammadu Buhari ya karba mulki, amma zaka amince da cewa yawan kisan da akayi a cikin shekaru uku da suka gabata idan aka hadasu baki daya, ya wuce yawan kisan da ‘yan kungiyar Boko Haram sukayi tun lokacin bullowar kungiyar."

Idan bazaku manta ba a kwanan nan ne muka ji cewan an kashe wasu fastoci biyu da masu bauta 17 a wani coci dake jihar Benue.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Subscribe to watch new videos

Source: Hausa.legit.ng

Tags:
Mailfire view pixel