Labarai

Wani Bom ya tashi a jihar Osun, yayi raga raga da wani gidan sama

Litinin, Afirilu 09, 2018 at 7:22 Safiya daga Mudathir Ishaq 1 - tsawon mintuna

Mutum guda daya ya gamu da ajlinsa, inda ya rigamu gidan gaskiya a wani tashin bom da aka samu a ranar Asabar 7 ga watan Afrilu a jihar Osun, wanda ya ragargaza wani katafaren gidan sama, inji rahoton gidan talabijin na Channels.

Wannan mummunan lamari ya faru ne a layin Moore, dake garin Ile Ife na jihar Osun, inda zamauna ungwuar suka tabbatar da cewar wani karamin Bom aka dana a gidan, sai dai Yansanda basu tabbatar da hakan ba.

KU KARANTA: Yaki da yan bindiga: Yansanda sun kwato manyan bindigu guda 84 a jihar Kaduna

Wani Bom ya tashi a jihar Osun, yayi raga raga da wani gidan sama — Gidan

Wani rahoto da Legit.ng ta kalato ya bayyana cewar an shiga zaman dardar tun bayan lamarin, wanda ya sanya makwabtan gidan tserewa don tsiratar da rayukansu, musamman duba da tashin bom din ya faru ne da misalin karfe 11 na dare, a lokacin da kowa ke kwance.

Majiyar ta kara da cewa a sakamakon tashin bom din, wani mutum guda ya samu munanan rauni, wanda hakan yayi sanadin mutuwarsa bayan an garzaya da shi Asibiti.

Sarkin Ife, Oba Enitan Adeyeye Ogunwusi ya bayyana cewar tun a baya akwai rikita rikitan gado a tsakanin yan uwan asalin Maigidan, amma ya bada tabbacin zasu shiga maganan don kawo sulhu a tsakani.

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Osun