Hukumomi na neman wani kasurgumin dan ta'adda

Hukumomi na neman wani kasurgumin dan ta'adda

Jami'an tsaro a Sudan sun gano sinadaran da ake amfani da su wajen hada bama-bama, da kuma fasfo bayan wani abu ya fashe a wani gida da ke babban birnin kasar Khartoum.

Hukumomi na neman wani kasurgumin dan ta'adda
Hukumomi na neman wani kasurgumin dan ta'adda

'Yan sanda sun ce wani mutum ya ji rauni a lokacin da ya ke kokarin hada bam, su kara da cewa ya garzaya wani asibiti da ke kusa da gidan, amma kuma sai ya tafi bayan jami'an lafiya a asibitin sun ba za su wanke masa ciwon da ke hannun shi ba sai sun shaidawa hukumomi.

A halin da ake ciki dai, jami'an tsaro sun bazama neman mutumin da masu taimaka ma sa.

Mazauna birnin Khartoum sun ce su na yawan ganin 'yan kasashen Masar, da Somalia, da 'yan Syria a gidan da abin ya fashe.

KU KARANTA: Zaben 2019: APC sun ce in ba Buhari ba sai rijiya

Tun dai bayan fara juyin-juya halin da ya kada a gabas ta tsakiya, da fara yakin basasar Syria, dubban 'yan kasar ke gudun hijira tare da shigowa kasar Sudan dan gujewa tashin hankali a kasar su.

A wani labarin, Farfesa Jerry Gana wanda gogaggen dan siyasa ne kuma tsohon ministan yada labarai ya bayyana jam'iyyar PDP a matsayin wadda ta kara karfi ba kamar da ba kuma yace a shirye suke su kwace mulki a zabe mai zuwa.

Jerry Gana yace tabbas yanzu PDP ta kara karfi musamman ma bayan da aka kafa kwamitin bin diddiki da kuma sulhu.

Tsohon ministan ya bayyana hakan ne lokacin da ya ziyarci shugaban jam'iyyar Accord Party Senata Rasheed Ladoja.

Asali: Legit.ng

Online view pixel