Attajirai 8 sun mallaki kwatankwacin rabin dukiyar duniya

Attajirai 8 sun mallaki kwatankwacin rabin dukiyar duniya

Attajirai takwas da suka fi kudi a duniya sun mallaki kwatankwacin dukiyar mutum biliyan 3.6 wadanda su ne rabin mutanen duniya da suka fi talauci, inji kungiyar agajin Oxfam.

Wadannan Attajirai 8 sun mallaki kwatankwacin rabin dukiyar duniya

Attajirai 8 sun mallaki kwatankwacin rabin dukiyar duniya

Kungiyar agajin ta ce, alkallumanta, wadanda masu suka suka musantawa, sun zo ne daga ingantattun asali kuma gibin dake tsakanin masu kudi da marasa galihu ya fi yadda ake zato girma.

Rahoton Oxfam ya zo ne daidai lokacin da ake fara taron tattalin arzikin duniya a Davos.

Wasu sun soki rahoton , suna masu cewa za'a iya kawar da talauci ne ta habaka tattalin arziki.

KU KARANTA KUMA: Dangote ya kafa kamfanin kera manyan motocin daukan kaya a Najeriya

Attajiran da suka fi kudi a duniya

1. Bill Gates (Amurka): daya daga cikin wadanda suka kafa kamfanin Microsoft (yana da akalla dala biliyan $75).

2. Amancio Ortega (Spaniya): wanda ya kafa Zara mai Inditex (yana da akalla dala biliyan $67).

3. Warren Buffett (Amurka): wanda ya mallaki akasarin hannayen jari a Berkshire Hathaway (yana da akalla dala biliyan 60.8).

4. Carlos Slim Helu (Mexico): mai Grupo Carso (yana da akalla dala biliyan 50).

5. Jeff Bezos (Amurka): wanda ya kafa kuma shugaban Amazon (yana da akalla dala biliyan 45.2).

6. Mark Zuckerberg (Amurka): daya daga cikin wadanda suka kafa kuma shugaban Facebook (yana da akalla dala biliyan 44.6).

7. Larry Ellison (Amurka): Daya daga cikin wadanda suka kafa kuma shugaban Oracle (yana da akalla dala biliyan 43.6).

8. Michael Bloomberg (Amurka): Mai Bloomberg LP (yana da akalla dala biliyan 40).

Daga : Jerin sanayen attajira na mujallar Forbes, na watan Maris din shekarar 2016.

Source: Legit Nigeria

Tags:
Mailfire view pixel