Dangote ya sayi Arsenal

Dangote ya sayi Arsenal

- Aliko Dangote ya bayyanawa ‘yan jaridu cewa, ya sayi  kungiyar kwallon kafa ta Arsenal

- Dangote zai tare a birnin Landan, ya kuma sa kadararsa ta kimanin Dala biliyan 30 da ke Abuja domin tarewar

- Biloniyan yana son tafiya birnin na london ne domin zama mai wannan kungiya ta kwallan kafa wato Arsenal

Dangote ya sayi Arsenal

Ta tabbata cewa hamshakin attajirin nan Alhaji Aliko Dangote ya sayi kungiyar kwallon kafa ta Arsenal

Attajirin ya bayyan hakan ne ga Africancradle.com wata kafar yada a intanet, a yayin da yak e kewaya da su katafaren gidansa na birnin tarayya Abuja, ko da ya ka attajirin bai bayyana adadin kudin da ya sayi kungiyar kwallon kafar ba sai ya ce yana shirin komawa Landan don kasancewa tare da kungiyar.

Dangote ya jaddada cewa, zai sai da kadararsa da ta kai kimanin Dalar Amurka miliyan 30 a Abuja, domin tafiya kusa da kungiyar kwallon kafar ta Arsenal, attajirin ya dade yana tare da Arsenal tsawon shekaru 12 ya kuma ce, zai sayar da kadarar ce don komawa wasu sababbin rukunin gidajensa da ke can Landan  bayan ya kammala sa hannu a kan mallakar kungiyar.

KU KARANTA KUMA: Yan wasan Arsenal sun caccaki Ozil Read

Alhaji Alko Dangote masoyin kungiyar kwallon kafar Arsenal ne kuma ya ce, bayan an gama da kasuwancin zai kalli  duk wani wasa da za su yi a filin wasan kungiyar  na Emirate kai tsaye, domin kallon wasannin kungiyar a talbijin ba ya kayatar da shi.

Yana mai cewa: “Talabijin tana samar da nishadi kuma….ina son kallon  talabijin, ina son kallon tashar kasuwanci ta Blooming TV,  kuma ina maifatan ganin ranar da Africa za ta sami inganttun kafofin yada labarai wadanda za su rika nishadantar da jama’a da kuma samar da bayanai…, amma na fi son kallon wasan Arsenal kai tsaye a filin wasa.

Dan asalin jihar Kano a arewacin Najeriya, Aliko Dangote na daya daga cikin jerin attajirai a duniya, kuma wanda za a iya cewa lamba daya a Africa a dukiya, duk da cewa a 'yan kwanakin nan ya samu koma baya a arzikinsa sakamakon karewar darajar Naira a cewar rahotanni.

Asali: Legit.ng

Online view pixel